Mae Rondo yn falch iawn fod dau gynhyrchiad wedi llwyddo i gyrraedd rhestr fer gwobrau'r Ŵyl Cyfryngau Celtaidd.

Cafodd yr ŵyl, sydd yn ei 32in blwyddyn, ei sefydlu er mwyn hybu ieithoedd a diwylliant y gwledydd Celtaidd ar y sgrîn fawr ac yn y byd darlledu.

Mae The Indian Doctor, sydd eisoes wedi ennill gwobr y Royal Television Society a Chylchgrawn Broadcast, wedi cyrraedd y rhestr fer yn nghategori Cyfres Ddrama, tra bod Côr Cymru 2011 wedi ei enwebu ar gyfer y categori Adloniant.

Bydd gŵyl 2012 yn cael ei chynnal yn ninas Derry ym mis Ebrill.

Mae Rondo'n falch iawn o allu cyhoeddi eu bod wedi cipio gwobr Cylchgrawn Broadcast mewn seremoni yn Llundain ar 2il Chwefror.

Cafodd cyd gynhyrchiad Rondo ac Avatar Films, The Indian Doctor, ei wobrwyo fel y rhaglen "Daytime" orau yn y seremoni yng Ngwesty'r Grosvenor, Llundain.

Cafodd The Indian Doctor ei ddarlledu ar BBC One yn ystod mis Tachwedd 2010 a bydd ail gyfres yn cael ei ddarlledu yn ystod gwanwyn 2012.

"Rydym wrth ein boddau efo'r newyddion gwych yma," meddai prif weithredwr Rondo Media, Gareth Williams wrth i'r gyfres guro cyfresi fel Jamie's 30 Minute Meals ac Antiques Road Trip i'r wobr.

"Mae'n hwb sylweddol i ni wrth i ni barhau i adeiladu ein portffolio o gynhyrchychiadau drama poblogaidd," ychwanegodd.

Linc > www.broadcastawards.co.uk

Mae gan Rondo lu o ddanteithion ar eich cyfer ar y teledu dros gyfnod y Nadolig a'r Flwyddyn Newydd a bydd yr arlwy yn dechrau, fel yr arfer, gyda'r Carolau o Langollen.

Dechreuwch y dathlu yng nghwmni Gwyn Hughes Jones, Al Lewis, Côr Ysgol Pen Barras, Côr Crescendo a Chôr Meibion Y Rhos yn ogystal â Band Pres Llaneurgain a sawl gwestai arall yn y gwasanaeth flynyddol o Bafiliwn Llangollen.

Carolau o Langollen: S4C am 2100 ar 22 Rhagfyr

Bydd rhaglen arbennig o Tîm Talent wrth i Ifan a'r tîm ymweld ag Ysgol Syr Thomas Jones, Amwlch er mwyn ychwanegu bach o sglein i'w sioe Haleliwia, mae'n Ddolig.

Bydd y digrifwr dawnus Iwan John, y gantores adnabyddus Mirain Haf a'r cynllunydd profiadol Leah Hughes yn rhannu eu profiadau ac arbenigedd gyda'r disgyblion ifanc er mwyn sicrhau fod y sioe yn un fythgofiadwy a bod y gynulleidfa'n cael ei syfrdannu'n llwyr.

Tîm Talent: S4C am 1700 ar 23 Rhagfyr

Ac er mwyn dathlu cyfres newydd Rownd a Rownd fydd yn dechrau ym mis Ionawr, bydd tair rhaglen arbennig yn edrych yn ôl trwy archif trigolion Cilbedlam ac yn datgelu ambell i gyfrinach!

Rownd a Rownd Nôl a Mlaen: S4C am 1830 ar 27, 28 a 28 Rhagfyr

Ac wrth gwrs, peidiwch ag anghofio am y gyfres newydd o Rownd a Rownd fydd yn dechrau yn y flwyddyn newydd. Fydd Wyn yn darganfod pwy sydd wedi dwyn ei arian? Beth sydd wedi digwydd i Sara?

Rownd a Rownd: S4C am 1830 ar 2 Ionawr

Mewn rhaglen arbennig i'w darlledu dros yr ŵyl, mae Rondo wedi treulio blwyddyn yng nghwmni Mark Evans o Lanrhaeadr ger Dinbych.

Mae Mark wedi ymddangos mewn rhai o sioeau cerdd enwocaf y byd theatre fel High School Musical, The Rocky Horror Show ac Oklahoma ac hefyd wedi cychwyn ar fenter newydd i hybu talent ifanc Cymru i geisio cyrraedd y West End.

Mark Evans - Llanrhaeadr a Llundain: S4C am 2025 ar 29 Rhagfyr

Mae hi bron yn draddodiad Nadoligaidd erbyn hyn i Dudley Newbury dywys wyth o sêr S4C ar wibdaith gogyddol o amgylch Cymru mewn tair rhaglen Pryd o Sêr. Bydd y cogydd yn eu herio er mwyn darganfod pwy sydd yn ymdopi orau yng ngwres y gegin a phwy fydd yn gallu gorffen y gyfres gan goginio pryd tri chwrs?

Yr wyth dewr sydd wedi derbyn yr her yw Ffion Dafis, Sian Lloyd, Courtney Hamilton, Eleanor Burnham, Hywel Davies, Wyn Davies, Rhodri Williams a Steffan Rhodri.

Pryd o Sêr: S4C am 1915 ar 27, 28 a 29 Rhagfyr a'r rownd derfynol am 2025 ar 30 Rhagfyr

Bydd Sgorio yn dod â holl hynt a helyntion pêl-droed yr ŵyl i chi yng nghwmni Dylan Ebenezer, John Hartson a Malcolm Allen ac mae'n siwr o fod yn brynhawn emosiynol wrth i Fangor chwarae eu gêm olaf ar Ffordd Farrar cyn symud i'w cartref newydd.

Sgorio: Bangor v Prestatyn S4C am 1400 ar 27 Rhagfyr

A chofiwch am ragleni Digwyddiadau 2011. Ar noswyl y Nadolig bydd cyfle i ymuno yn ysbryd yr Ŵyl wrth i Digwyddiadau 11: Nadolig y Plant gymryd cipolwg ar bedair ysgol gynradd berfformio sioeau gwreiddiol y Nadolig.

Ac ar Nos Calan bydd Digwyddiadau 11: Blwyddyn Newydd Dda! yn dod yn fyw o Gwyl y Gaeaf yng Nghaerdydd lle bydd llu o westeion yn ymuno yn y dathlu o'r brifddinas ac hefyd yn fyw o Nant Gwrtheyrn.

Mae cynhyrchiadau Rondo wedi cipio pedair gwobr BAFTA Cymru.

Mali Harries gafodd gwobr yr actores orau am ei rôl fel Megan yn y gyfres The Indian Doctor ar gyfer BBC 1 a llwyddodd John Gillanders i ennill y wobr am Golygydd Ffuglen am ei waith ar yr un gyfres.

Cafodd John ail wobr am ei waith ar y rhaglen ddogfen ar gyfer S4C, Y Tren i Ravensbruck wrth gasglu gwobr Golygydd Ffeithiol a chafodd Mike Harrison ei wobrwyo am y Gwaith Camera gorau am ei waith ar yr un rhaglen.

Mae Rondo wedi derbyn 11 o enwebiadau Bafta Cymru ar gyfer nifer o gynyrchiadau’r cwmni. Dyma fanylion yr enwebiadau:

The Indian Doctor (Drama)
O’r Galon: Y Tren i Ravensbruk (Rhaglen Ddogfen Unigol)
Llangollen 10 (Cerddoriaeth ac Adloniant)
John Gillanders, The Indian Doctor (Golygu: Ffuglen)
John Gillanders, Y Tren i Ravensbruck (Golygu: Ffeithiol)
Caryl Ebenezer, Byd Pawb Nol i Fethlehem (Cyfarwyddwr: Ffeithiol)
Caryl Ebenezer, O’r Galon: Y Tren i Ravensbruck (Cyfarwyddwr: Ffeithiol)
Ray Orton, The Indian Doctor (Cyfarwyddwr Ffotograffaeth)
Mike Harrison, O’r Galon: Y Tren i Ravensbruck (Camera)
Venita Gribble, The Indian Doctor (Cynllunydd)
Mali Harries, The Indian Doctor (Actores)

Mae Rondo wedi ennill cytundeb gan yr Asiantaeth Ffilm i gynhyrchu ffilm 90 munud o gwmpas perfformiadau The Port Talbot Passion gyda’r actor Michael Sheen. Cafodd y prosiect uchelgeisiol a chyffrous hwn yn ei ffilmio dros benwythnos y Pasg.

Mae’r ddrama, sy’n cyfuno actorion ac aelodau’r gymuned leol ym Mhort Talbot, wedi bod yn llwyddiant ysgubol ac wedi denu sylw a chanmoliaeth eang.